موضوع كبير يحتاج لتفصيل بس هنحاول نلخّصه قدر الامكان, أشهر مشاكل عدم توحد اللون ممكن نقسمها للآتى:

1- اماكن غامقة : ممكن تكون بقع او نمش او كلف او اثار حب الشباب او نمش او اسمرار عام بسبب الشمس او اسمرار حول الفم

2- اماكن فاتحة : بسبب تينيا ملونة او بسبب بهاق

احنا هنحاول نقول بروتوكول مجمّع لاكتر من مشكلة

لو المشكلة اماكن غامقة هنمشى على البروتوكول التالى:

ننصح باستخدام نوع معين من واقيات الشمس خارج المنزل Photoderm 50+ Spot  مع تجنب الشمس قدر الامكان اما عن كريم التفتيح الصباحى داخل المنزل فننصح باستخدام White objective cream او Depiderm 50+ 

اما عن التفتيح المسائى فننصح باستخدام Unitone 4 arbutin

الترطيب اليومي باستخدام Atoderm milk للبشرة الجافة , Sensibio milk للبشرة الحساسة, Avene thermal spring water للبشرة الدهنية والمختلطة

ننصح بعمل تقشير اسبوعي بالآتى:

Sebium exfoliating gel لو البشرة دهنية او مختلطة (غير حساسة)

Avene gentle exfoliating scrub لو البشرة حساسة (حتى لو دهنية) او جافة

ملحوظات هامة لهذا البروتوكول:

1: عند استخدام كريمات التفتيح وواقيات الشمس يجب علينا دهان الكريم بصورة متجانسة ونتأكد من توزيعه بالتساوي على كامل الوجه والرقبة عشان ميحصلش فرق فى اللون

2: فى حالات بقع اثار حب الشباب لازم نعالج الأول حب الشباب لو موجود قبل ما نبدأ نعالج أثاره

3: فى حالة ان كان الوجه به اي التهابات او احمرار لا ننصح بالتقشير نهائيا

4: فى حالات الكلف (اثناء الحمل) ننصح باستشارة الطبيب قبل استخدام Unitone 4 arbutin

5: فى حالات النمش والكلف : سيحسن البروتوكول من الحالة وقد يعالجها نهائيا ولكن فى بعض الحالات تتحسن الحالة فقط ولا يعود اللون لطبيعته تماما وحينها نلجأ للطبيب فلن تجدي العلاجات الموضعية ولكن لابد من تقشير بالليزر او تقشير كيميائى فى العيادة

6: البروتوكول يبدأ مفعوله خلال أيام ولكن للوصول للعلاج التام نحتاج لثلاثة أو أربعة شهور مع الالتزام بالبروتوكول 

7: بالنسبة للاسمرار حول الفم لابد من تجنب ملامسة أي مواد مهيجة او حمضيات لهذه المنطقة مثل البرتقال والمانجه أو معجون الاسنان ولابد من زيارة الطبيب فى حالة اي التهاب ولابد ايضا ان نتأكد ان هناك اسمرار بالفعل وان اللون الغامق ليس بسبب شعر بالنسبة لمنطقة الشارب

8: بعض الاطباء بيصف علاجات معينة لمنطقة حول الفم زي Elidel cream بس دي ماينفعش ناخدها من نفسنا .. لازم بوصفة طبيب

هناك مشكلة أخرى وهى مشكلة الهالات السوداء وهى أيضا تسبب عدم توحد للون البشرة وسنخصص لها بوست خاص

بالنسبة لظهور بقع فاتحة ففى الغالب هتكون تينيا ملونة ودي (ممكن تظهر بلون افتح او اغمق من الطبيعي) لكن بتظهر كتير فى الاماكن الحارة فى شكل بقع بيضا وبيبقى علاجها بمضادات الفطريات الموضعية وننصح بشامبو Kelual DS shampoo و يتساب على البشرة لمدة 4 دقايق على الاقل قبل الشطف بس طبعا التشخيص ده هيحتاج زيارة طبيب

اما مرض البهاق فده هيحتاج لزيارة طبيب لانه مش بيتعالج ببروتوكولات العناية بالبشرة.

مصدر هاي ماما