اليمن اصلاحات اقتصادية مازال حكامها يفكروا

نعائم خالد 

طيب حد يفهميني يمكن اختلط البقر علي والالوان واصبحت ما استوعب هذه السياسه اللعينه انما اذكر عند تعيين محافظ البنك المركزي لما نزل سعر السعودي والدولار والناس هللت وكبرت بعدها قالوا هناك اصلاحات اقتصادية قادمة انما لابد من فعل سياسي يحدد المرحلة وتكلموا المحللين وخرصوا واستنتجوا بان الفعل السياسي يسيغب الرئس المنتخب عبدربه منصور هادي ويعطينا سبعه مع رئيسهم وهذا سيجعل البترول يرخص والاسعار والاصلاحات قادمة لا محاله.. وصلنا الى ان الاسعار زادت بشكل تصاعدي لا يتناسب كليا مع دخل الفرد لا اقول البسيط لانه اصبح مطحون ومش عارفه ايش اسميهم من الطبقه البسيطه انما نقول اصحاب الرواتب والذين كما يسمون معهم دخل ثابت مش دخل مهزوز لانه مش اريل المهم الاسعار طارت والراتب ما يساوي اكل اسرة عيش يابس لشهر اما ايجارات وعلاج وكهرباء وماء ودراسة الاولاد ما اكبرها واقول الاولاد ابسط الايمان طفلين لو انا ما اقول الحقيقية لان اليمنيين يخلفون فوق خمسه ومش عارفين ياكلوهم ولا يشربوهم والحكومة ما سوت شئ والغلا طحن الجميع بدون استثناء... ام ان الاصلاحات الاقتصادية مطولة لما الشعب كله يخرج مجنون مش عارف ايش يقول والحكومة مازالت تفكر مش عارفه يمكن تقرر اليوم او بعد سنه او بعد مائه عام ومازالت تفكر.. هيه ياحكومه اينك ومجلس الرئاسه اتحلحلي مثل ماحللوا المحللين الاقتصادين والسياسين اليمنين والعرب كمان تكلموا وقلنا يمكن صدق.. ونعود لصاحبنا محافظ البنك المركزي الذي مازال يفكر بس هذا تفكيرة طول يالليل طول..  

لاتنسى مشاركة: اليمن اصلاحات اقتصادية مازال حكامها يفكروا على الشبكات الاجتماعية.