مطلبنا إعادة الدوري اليمني يااتحاد الكرة !

بقلم / فهيم المخلافي 

الذي يقول لك المال لا يصنع السعادة رد عليه كيف مايصنع السعاده والمال هذا جاب رونالدو و بنزيما يلعبوا بالدوري السعودي 

ولما اقول يلعبو بالدوري السعودي مش انتقاص بالدوري السعودي بل فخر وقهر 

فخورين بانه السعوديه استطاعت استقطاب نجوم من العيار الثقيل يلعبوا بالدوري السعودي وصدقونا لسه هذي البدايه و بتدور الايام وبيرجع الدوري السعودي وجهة اغلب اللاعبين والمواهب العالميه بتقلي الان بتقلب الدوري السعودي نفس الدوري الانجليزي والدوري الايطالي والاسباني ودوري ابطال اوربا برد عليك لا لكن الدوري السعودي نعم بعتبره نفسهم انا وانت وابي وابوك قبل مايعرفوا الدوريات الاوربيه كانو ما يتفرجوا الا الدوري السعودي واتحدى واحد يقول انه مايشجعش احدى الانديه السعوديه انا ابي الله يرحمه كان يشجع نادي الوحده سالته ليش الا الوحده قلي اصلا كنت بمكه اشقي وكنت اشاهدهم وهم يلعبوا ومن جهة اخرى الدوري السعودي يعتبر الاول اسيوياً قبل استقطاب نجوم من العيار الثقيل والانديه السعوديه الاكثر تتويجا بالبطولات الاسيويه وايضا حضور الجماهير والمشجعين في المدرجات من اقوى الحضور في آسيا تحس انك تلعب في اوروبا بتقول اللاعبين يشتوا بطولات اوربيه و و و بقول لك ياعمي البطولات هذين اخترعهن الاوروبين عشان يضحكوا على اللاعبين يلعبوا عندهم ويجنوا من ضهرهم الاموال والا لو تشتوا الصدق المال هو الاول والاخير للنادي .. لذلك اللاعبين لو خيرتهم بين المال والبطولات بيقولوا لك راتب مغري ومزايا .. وبعدها البطولات 

وبالنسبة ( لميسي ) لو ما قبل عرض الهلال وصدق زوجته ورجع برشلونه فصدقونا انه مُدبر مُدبر كل وابو الدبور وسكان يمين بكل قوته وعلى ابوه انه يشل الباكورة ويسير يهجشه للبيت .. 

وكما قال مستر سلطع : المال لا يصنع السعادة المال هو السعادة

الان ليش انا حزين 

حزين ياخبره عشان حال الكره اليمنيه والدوري اليمني الذي متوقف من سنوات وماشاف النور بسبب سوء ادارة الاتحاد اليمني للأسف ..

لما تشوف الدوريات لدول الجوار وما وصلت اليه من تطور وماوصل اليه حال الدوري عندنا تأسف على ذلك .

 مثلا لما تمتلك ويكون معك نادي مثل التلال اقدم نادي بالجزيره العربيه تاسيساً 1905 ورابع اقدم نادي بالوطن العربي ويتم تهبيطه للدرجه الثانيه لانه رفض مهزلة اتحاد الكرة او بأسباب أخرى سياسية اسألكم بالله هذا ما يقهركش التلال هذا لو هو نادي سعودي لكان هو مسيطر على جميع الألقاب في اليمن لكن للاسف هبطوه ..

لاتنسى مشاركة: مطلبنا إعادة الدوري اليمني يااتحاد الكرة ! على الشبكات الاجتماعية.